白癜风起因是什么 http://m.39.net/pf/a_5989991.html喫茶去
金银花茶
年7月3日星期三
《金银花茶》
沈一珠
水沟墙边随处栽，
忍冬迎夏并蒂开；
若得一捧煮成茶，
金花银花壶中来。
金银花，学名忍冬。之所以叫伊迭个名字，是因为伊可以熬得过寒冬腊月，仍旧枝叶葱茏。
金银花开勒初夏，不过，伊花期蛮长，刚开辰光，花是白颜色呃，两三天之后，花就变成*颜色了。新搭仔旧，*搭仔白，像煞是金银相配，邪气好看，所以，又叫伊金银花了。
“忍冬清馥蔷薇酽，薰满千村万落香”，讲呃就是金银花盛开季节呃场面了，金银花好养，枪蓠芭旁边，小水沟附近，绿叶枝条一丛丛生长，金花银花一蓬蓬开；跟迭呃辰光同样开足开满呃蔷薇花一道，香气满世界飘。
其实，金银花向来也是一味中药，从前辰光，几乎所有呃小朋友侪用过呃。老底子呒末空调，大热天到了，交关小朋友难免要生痱子，热疖头，再或者是伤风感冒喉咙痛了，小朋友人小，也勿大好随便喫药，一瓶金银花露就是好末事了，清热解*，名字也好听，三哄两哄，也容易叫小朋友张口，总归是花花草草，勿像青霉素咯先锋霉素咯，听上去总归有点吓人倒怪。
当然，搿歇大热天辰光，自家有空，泡一壶金银花茶，既清热解*又经济实惠，好过买一盒东北大板，喫好仔寒气结勒胃里，容易勿适意。
下半天辰光，摘一把金银花，汏汏清爽；茶壶里水烧开，金银花摆下去，烧一分钟，焖10分钟，花捞出来，汤水滗滗清爽，冷一冷，就可以喫了。淡淡交茶水带一点点清苦，再配一小块刹其马，甜悠悠，糯笃笃，老适意。
沪语解释：
搭仔：和。
“点击阅读原文就能购买老师的画作哟”
沈一珠
